Лукашэнка: Шугануць можа ў кожным месцы
90- 17.07.2014, 12:54
- 58,293
Дыктатар заяўляе пра адсутнасць стабільнасці.
"Мы сутыкнуліся са спрэс новымі геапалітычнымі рэаліямі. Няма стабільнасць не толькі недзе далёка - у Паўночнай Афрыцы або на Блізкім Усходзе, а зусім побач, у нас пад бокам. І мы бачым: шугануць, выбухнуць можа ў кожным месцы", - заявіў Лукашэнка ў чацвер у Менску на нарадзе з кіраўнікамі дыпламатычных прадстаўніцтваў і консульскіх устаноў Беларусі, піша БелТА.
"Адбываецца дэвальвацыя нормаў і прынцыпаў міжнародных паводзін, разбурэнне дзесяцігоддзямі стваранай сістэмы міжнароднага права. Ясна адно: б'юць слабых, з моцнымі - лічацца. Таму нам трэба быць моцнымі - і палітычна, і асабліва эканамічна", - падкрэсліў беларускі лідэр.
Ён адзначыў, што на дасягненне гэтай мэты накіраваная як замежная, так і ўнутраная палітыка Беларусі. "Гэтым абумоўлены выбар на карысць умацавання "саюзнай дзяржавы", стварэння Еўразійскага эканамічнага саюза, выбудоўвання стратэгічных стасункаў з Кітайскай Народнай Рэспублікай", - сказаў Лукашэнка. "Адсюль і наша пазіцыя ў дачыненні да Захаду, якая палягае ў ахвоце развіваць стасункі ва ўсім спэктры пэрспэктыўных кірункаў. Але толькі на прынцыпах узаемнай павагі, без усялякіх санкцый і дыктату", - працягнуў ён.