Тэрарыст Гіркін: Папярэджвалі ж - не лётайце ў нашым небе
58- 17.07.2014, 19:48
- 92,481
Адзін з верхаводаў тэрарыстаў Ігар Гіркін узяў на сябе збіты над Данбасам самалёт.
Пра гэта ён напісаў на сваёй старонцы ў сацыяльнай сетцы «Вконтакте».
«У раёне Тарэза толькі што збілі самалёт Ан-26, валяецца недзе за шахтай «Прагрэс».
Папярэджвалі ж - не лётаць у «нашым небе». А вось і відыапацверджанне чарговага «птушкапада». Птушка ўпала за тэрыконы, жылы сектар не зачапіла. Мірныя людзі не пацярпелі», - напісаў Ігар Гіркін.
Адзначым, што нягледзячы на тое, што ў паведамленні паказваецца, што баевікі збілі ўкраінскі Ан-26, відэа, якім суправаджаецца каментар, паказвае падзенне менавіта малайзійскага авіялайнера Boeing 777. Інфармацыю таксама апублікаваў расейскі прапагандысцкі канал LifeNews.
У збітым самалёце знаходзілася 280 пасажыраў і 15 чальцоў экіпажа.