Lufthansa скасавала палёты над Данбасам
5- 17.07.2014, 20:48
- 9,144
Чатыром самалётам авіякампаніі ўжо змянілі маршруты.
Нямецкая авіякампанія Lufthansa спыняе палёты праз украінскую паветраную прастору над тэрыторыяй Данбаса, піша інфармагенцтва ІТАР-ТАСС.
У прыватнасці, такую пастанову кампанія прыняла пасля катастрофы на тэрыторыі Украіны пасажырскага Boeing-777 малайзійскай авіякампаніі.
«Я магу пацвердзіць гэтую інфармацыю. Пастанова ўваходзіць у дзеянне неадкладна і будзе дзейнічаць надалей», - сказаў прадстаўнік авіяперавозніка.
«Гэта тычыцца толькі ўсходу Украіны», - адзначыў прадстаўнік Lufthansa.
Ён растлумачыў, што гаворка ідзе пра Луганскую і Данецкую вобласці.
Цяпер чатыром самалётам авіякампаніі давялося змяніць свае маршруты ў сувязі з гэтай пастановай.
Нагадаем, сёння ў Данецкай вобласці ўпаў малазійскі авіялайнер Боінг 777, усе пасажыры загінулі.