Рост ВУП Беларусі запаволіўся

У першым паўгоддзі валавы ўнутраны прадукт Беларусі вырас на 1,2%.

У грашовым выражэнні ВУП склаў 340,7 трлн рублёў. У параўнанні з аналагічным перыядам 2013 тэмпы эканамічнага росту ў краіне замарудзіліся: у першым паўгоддзі мінулага года рост ВУП склаў 1,5%, адзначае БелаПАН.

Паводле афіцыйнага прагнозу, паводле вынікаў 2014 рост ВУП павінен скласці 3,3%.

Паводле ацэнак Даследчага цэнтра ІПМ, рост ВУП Беларусі ў 2014 годзе можа скласці 2,1%.