Газманаў збіраецца ехаць у Латвію, нягледзячы на забарону
56- 21.07.2014, 16:48
- 38,733
Расейскі артыст рыхтуецца вылецець у Юрмалу.
Як ужо паведамлялася, 21 ліпеня, за дзень да адкрыцця конкурсу "Новая хваля", міністр замежных спраў Латвіі Эдгар Рынкевіч загадаў уключыць у "чорны спіс" трох расейскіх артыстаў, якія з'яўляюцца ганаровымі гасцямі конкурсу.
У спіс трапілі Іосіф Кабзон, Валерыя і Алег Газманаў. У МЗС Латвіі сцвярджаюць, што гэтыя асобы сваімі дзеяннямі спрыялі парушэнню тэрытарыяльнай цэласнасці і суверэнітэту Украіны.
Кабзон і Валерыя ўжо заявілі прэсе, што звярнуліся ў МЗС РФ. А дырэктар Алега Газманава паведаміў парталу Super.ru, што артыст свае планы мяняць не мае намеру і рыхтуецца вылятаць у Юрмалу. "Мы даведаліся пра ўсё з інфармацыйных агенцтваў. У кожным выпадку нам ніхто афіцыйна не паведамляў, таму мы, як планавалі, ляцім у Юрмалу", - паведаміў прадстаўнік Газманава.