Звольнены начальнік маскоўскага метрапалітэна
1- 22.07.2014, 10:39
- 5,893
Мэр Масквы Сяргей Сабянін заявіў аб змене кіраўніка маскоўскага метрапалітэна.
Пра гэта паведамляе «Інтэрфакс».
«Кіраўнік метрапалітэна Бяседзін Іван Сяргеевіч вызваляецца ад сваёй пасады», - сказаў Сабянін, адкрываючы пасяджэнне гарадскога ўрада.
Мэр Масквы ўвязаў звальненне Бяседзіна з аварыяй, якая адбылася 15 ліпеня. «Тое, што адбылося на Арбацка-Пакроўскай лініі, гэтая трагедыя, якая адбылася, перакрэсліла тую вялікую працу, якая праводзілася ў метро апошнія гады», - сказаў Сабянін.
Новым начальнікам маскоўскага метро стаў Дзмітрый Пегаў, з 2010 года кіраваў Дырэкцыяй хуткасных злучэння (філіял РЧ). Са слоў Сабяніна, Пегаў прайшоў «поўны шлях ад памочніка машыніста да кіраўніка аднаго з самых перспектыўных накірункаў чыгункі».
У выніку сходу трох вагонаў цягніка метро на перагоне паміж станцыямі «Парк Перамогі» і «Славянскі бульвар» загінулі 22 чалавекі.
Бяседзін кіраваў сталічным метрапалітэнам з лютага 2011 года, змяніўшы на гэтай пасадзе Дзмітрыя Гаева.
Фота: AFP