Чак Паланік паведаміў падрабязнасці сіквэла «Байцоўскага клуба»

Амэрыканскі пісьменнік Чак Паланік падаў некаторыя падрабязнасці працягу рамана «Байцоўскі клуб», які выйдзе ў выглядзе коміксу.

У інтэрв'ю USA Today ён пацвердзіў, што падзеі новага твора будуць адбывацца праз дзесяць гадоў пасля заканчэння арыгінальнага «Байцоўскага клуба», выдадзенага ў 1996 годзе. Паланік распавёў, што, паводле сюжэту кнігі, галоўны герой жанаты з Марле Зінгер, і яны маюць сын Джуніёра, якому дзевяць гадоў, паведамляе Інтэрфакс.

Адначасова пісьменнік адзначыў, што ў кнізе будуць флэшбэкі, дзякуючы якім чытач зможа сёе-тое зразумець аб паходжанні Тайлера Дзёрдэна - альтэрэга галоўнага героя. «Тайлер - гэта нешта, што, магчыма, існавала стагоддзямі, а не проста спараджэнне замарачэння (героя)», - сказаў Паланік.

Тэрарыстычная арганізацыя «Праект «Калатнеча», якая вырасла з байцоўскага клуба, мяркуючы са слоў Паланіка, зноў будзе фігураваць у кнізе.

Пра тое, што ў «Байцоўскага клуба» будзе працяг, было абвешчана ўлетку 2013 года. Паведамлялася, што ён выйдзе ў форме графічнага рамана. 21 ліпеня 2014 года стала вядома, што раман выйдзе ў 10 частках у выдавецтве Dark Horse Comics. Ілюстратарам кнігі стане Кэмэран Сцюарт. Купіць сіквэл «Байцоўскага клуба» можна будзе ў траўні 2015 года.

Раман «Байцоўскі клуб» у 1999 годзе быў экранізаваны Дэвідам Фінчэрам. Ролю безназоўнага галоўнага героя ў ім выканаў Эдвард Нортан, ролю Тайлера Дзёрдэна - Брэд Піт, а Марлен Зінгер - Гелена Бонэм Картэр. Стужка набыла статус культавай, хоць даход ад яе ў пракаце быў параўнальна сціплы.