На ўскраіне Гомеля знайшлі 800 набоеў
3- 23.07.2014, 14:25
- 8,010
Боепрыпасы знайшлі на метровай глыбіні ў Арудзійным праездзе у час правядзення земляных работ для пракладкі водаправода.
Пра гэта паведамілі чытачы "Гомельскай праўды".
Сапёры вынялі набоі калібра 45 мм.
Са слоў відавочцаў, вайскоўцы беражліва даставалі боепрыпасы з ямы дыяметрам амаль паўтара метра. Выяўленыя небяспечныя знаходкі вывезлі, аднак месца выяўлення арсенала не пакінулі без нагляду.
Як стала вядома, сёння сапёры далей даследуюць бліжэйшую тэрыторыю.