Беларусь выплаціла $84 мільёны крэдыту МВФ

Беларусь зрабіла чарговую аплату асноўнай запазычанасці крэдыту «стэнд-бай» МВФ.

Менск пералічыў 54,7 мільёна СДР (эквівалентна 84,4 мільёнам даляраў ЗША). Пра гэта гаворыцца ў паведамленні Міністэрства фінансаў Беларусі.

З пачатку года выплаты краінай крэдыту МВФ склалі амаль $760 мільёнаў, усяго ў 2014 годзе трэба вярнуць $1,4 мільярда. У гэтую суму ўваходзіць аплата крэдыту і выплата адсоткаў.