У Жыровічах ў цяпліцы з агуркамі вырошчвалі каноплі

Расеец высадзіў каноплі ў цяпліцы з агуркамі, а дома захоўваў марыхуану і самагонны апарат.

43-гадовы расеец, часова пражывае ў вёсцы Жыровічы, на прысядзібным участку прыватнага дома, які засталася ў спадчыну, у цяпліцы разам з агуркамі вырошчваў каноплі. Пра гэта паведаміў намеснік начальніка Слонімскага РАУС Сяргей Кіган. Дома ў грамадзяніна РФ міліцыянты знайшлі марыхуану - дзе яна вырошчвалася, не паведамляецца. Акрамя наркарэчываў знаходлівы мужчына захоўваў дома самагонны апарат, было выяўлена 90 літраў самагоннай брагі, піша "Вечерний Гродно".

Распачата крымінальная справа за незаконны абарот наркатычных сродкаў. Санкцыі артыкула прадугледжваюць пакаранне аж да пяці гадоў пазбаўлення волі. Суда парушальнік будзе чакаць у следчым ізалятары.