Хакеры ўзламалі сайт Еўрапейскага цэнтральнага банка

Атрымаўшы доступ да базы звестак, яны выкралі адрасы электроннай пошты і кантактную інфармацыю цэлага шэрагу зарэгістраваных карыстальнікаў.

Як піша Інтэрфакс са спасылкай на Financial Time, сам ЕЦБ даведаўся пра тое, што здарылася толькі пасля таго, як атрымаў ананімны ліст ад чалавека, які патрабаваў грошы за вяртанне звестак.

База звестак захоўвалася асобна ад унутранай сістэмы банка, таму хакеры не атрымалі доступ да інфармацыі, здольнай паўплываць на рынак, падкрэслівае ЕЦБ.

"Унутраныя сістэмы або звесткі, здольныя паўплываць на рынак, не былі скампраметаваныя. База звестак абслугоўвае раздзелы сайта ЕЦБ, дзе праводзіцца рэгістрацыя ўдзельнікаў такіх мерапрыемстваў, як канферэнцыі і наведвання ЕЦБ. Яна фізічна аддзеленая ад усіх ўнутраных сістэм ЕЦБ", - гаворыцца ў паведамленні ўстановы.

Асноўны аб'ём інфармацыі, да якой атрымалі доступ зламыснікі, захоўваўся ў шыфраваным выглядзе, аднак некаторыя звесткі, уключаючы адрасы і тэлефоны, не былі зашыфраваныя. ЕЦБ мае намер звязацца з усімі людзьмі, персанальныя звесткі якіх маглі патрапіць у рукі хакераў. Як заявіў прадстаўнік ЕЦБ выданню IBTimes Вялікабрытанія, усяго было выкрадзена блізу 20 тысяч адрасоў.

Расследаваннем здарэння займаецца паліцыя Нямеччыны.