Футбольны клуб бясплатна нанясе лагатып Malaysia Airlines на форму
2- 26.07.2014, 16:17
- 5,177
Малайзійскі ФК Келантан пастанавіў падтрымаць авіякампанію Malaysia Airlines, самалёт якой разбіўся на ўсходзе Украіны.
Як паведамляе Reuters, на футболках гульцоў будзе бясплатна размешчаны яе лагатып ў знак салідарнасці з перавозчыкам. На працягу ўсяго сезону клуб будзе выступаць з лагатыпам Malaysia Airlines.
Галоўным трэнерам клуба з'яўляецца былы футбаліст зборнай Галандыі Джордж Баатэнг, піша sport.bigmir.net.
Келантан з'яўляецца чэмпіёнам Суперлігі Малайзіі 2011-2012 гг.
Нагадаем, што на борце самалёта, што зазнаў катастрофу ў Данецкай вобласці знаходзіліся 298 чалавек, усе яны загінулі. У катастрофе вінавацяць Расею, якая перадала баевікам на Усходзе Украіны «букі».