Парламент Грузіі зацвердзіў абноўлены склад урада

Парламент Грузіі на пазачарговым паседжанні ў Кутаісі зацвердзіў абноўлены склад урада.

Пастанова была прынятая аднагалосна: «за» прагаласавалі ўсе 89 дэпутатаў, паведамляе ИТАР-ТАСС.

Аб перастаноўках у складзе ўрада прэм'ер-міністр Іраклій Гарыбашвілі паведаміў 21 ліпеня. Тады ў адстаўку былі адпраўленыя 7 чальцоў Кабінета міністраў.

Змены закранулі міністэрствы сельскай гаспадаркі, у выкананні пакаранняў і прабацыі, у справах вымушана перамешчаных з акупаваных тэрыторый асоб, бежанцаў і рассялення, аховы навакольнага асяроддзя і прыродных рэсурсаў, рэгіянальнага развіцця і інфраструктуры, культуры і аховы помнікаў, дзяржміністэрства ў пытаннях дыяспары.