Арсеній Яцэнюк выпрабаваў новую снайперскую вінтоўку Нацгвардыі
38- 27.07.2014, 10:44
- 37,874
Былы прэм'ер наведаў базу Нацгвардыю ў Новых Пятроўцах пад Кіевам.
Падрабязнасці візіту Арсенія Яцэнюка распавёў на сваёй старонцы ў сацыяльнай сетцы «Фэйсбук» кіраўнік МУС Украіны Арсен Авакаў.
«Калі з'ехаў прэзідэнт і раз'ехаліся журналісты - селі абмяркоўваць з афіцэрамі і Аляксандрам Турчынавым дэталі комплекснай сістэмы закрытай сувязі Нацыянальнай Гвардыі і новы стандарт камплектавання снайперскага падраздзялення аператыўных брыгад, што ствараюцца,- піша ён. - І тут прыехаў Арсеній Яцэнюк.
- Я думаў вы ўжо вячэраеце, а вы тут жалязякі і схемы перабіраеце. Без найлепшага стралка ва ўрадзе абмяркоўваеце снайперскае камплектаванне? - прэм'ер жартаваў ва ўласцівай яму манеры датуль, пакуль не ўбачыў найноўшую снайперскую вінтоўку калібра 12,7 толькі паступіла на ўзбраенне Нацгвардыі.
Снайперы ўзрадаваліся і, цалкам завалодаўшы увагай прэм'ера, падрабязна абгрунтавалі «галечу» нашых снайперскіх падраздзяленняў і патрэбу браць сучасныя ўзоры тэхнікі. Абмеркаванне зацягнулася. Абмеркавалі, як і планавалі, і сістэму сувязі, і новыя зброевыя вежы на «Кагуары» і «Спартаны», і праблемы актывізацыі вытворчасці на Харкаўскім заводзе Малышава .. А калі сцямнела, вярнуліся да снайпераў:
- Праверым цеплавізары і начныя прыцэлы...
Дзень быў доўгі і складаны - але, я вельмі рады - першыя асобы краіны рэальна занурыліся ў нашы думкі, планы і праблемы. Цяпер будзе лягчэй і бараніць пазіцыі і ў канчатковым рахунку будзе галоўнае - лягчэй перамагаць».
