Азаранка можа згуляць з Уільямс на спаборніцтвах у Стэнфардзе

Адбылося лёсаванне турніру WTA e Стэнфардзе.

Першая ракетка свету амерыканка Серэна Уільямс пачне барацьбу за тытул з другога крунга, дзе яе спаборніцай будзе пераможца матчу Кіміко Датэ-Крум (Японія) - Караліна Плішкова (Чэхія), піша championat.com.

Беларуска Вікторыя Азаранка ў другім крузе сустрэнецца альбо з амерыканкай Вінус Уільямс (WC), альбо з пераможцай кваліфікацыі.

Гэта будзе першы выхад беларускі на корт пасля паразы ў другім коле «Уімблдона», калі 23 чэрвеня Азаранка саступіла Баяне Ёваноўскі.