Тэлефонная сувязь падаражэе
15- 27.07.2014, 13:31
- 36,409
Кошт паслугі тэлефоннай сувязі ў Беларусі падвысіцца 1 жніўня.
Пра гэта гаворыцца ў пастанове Міністэрства эканомікі №52 ад 16 ліпеня 2014 года, апублікаванай на Нацыянальным прававым інтэрнэт-партале. Дакумент уносіць змены ў пастанову ведамства ад 10 лістапада 2011 года.
Абаненцкая плата для насельніцтва вырасце на 20%. Мінімальны штомесячны плацеж для ўладальнікаў тэлефонаў індывідуальнага карыстання складзе 14 750 рублёў замест цяперашніх 12250 рублёў. Хвіліна мясцовых тэлефонных размоў падаражэе на 24,6% рубля - да 37,5 рубля.Міжгароднія званкі будуць каштаваць на 12,1% больш - 81,4 рубля за хвіліну.
Пастановай Мінэканомікі таксама павялічаны кошт паслуг электрасувязі агульнага карыстання для юрыдычных асоб і індывідуальных прадпрымальнікаў.
Апошні раз тарыфы на тэлефонныя паслугі падвышаліся 29 траўня 2014 года.