Улады Гомеля шукаюць гандляроў салам

У Гомелі абвешчаная вайна нелегальнаму гандлю салам, у горадзе пройдуць рэйды.

Старшыня выканкама Пётр Кірычэнка распарадзіўся неадкладна спыніць несанкцыянаваны гандаль прадуктамі жывёльнага паходжання. Пад забарону патрапіла свіное сала, крывяная ды іншая каўбаса хатняга прыгатавання, піша мясцовы партал «Сильные новости».

Увага кіраўніка горада да гэтай праблемы выкліканая небяспекай распаўсюджвання афрыканскай чумы свіней. У рэйдах для выяўлення парушальнікаў возьмуць удзел работнікі гарадской ветэрынарнай станцыі.