ХАМАС абвясціў аб замірэнні з Ізраілем

Палестынскі рух ХАМАС пагадзіўся на новае 24-гадзіннае замірэнне з уладамі Ізраіля.

Паводле слоў прадстаўніка руху, яно ўвойдзе у дзеянне а 14.00 паводле мясцовага часу, перадае BBC.

Раней у суботу ізраільскае войска заявіла, што гатовае аднавіць ваенныя дзеянні супраць сектара Газа ў паветры, на зямлі і на моры, калі палестынскія баевікі прадоўжаць запуск ракет пасля адмовы ад гуманітарнага замірэння.

З пачатку новага ўзброенага канфлікту 8 ліпеня загінулі ўжо больш за тысячу палестынцаў і 46 ізраільцаў.