Украінскае войска ўвайшло ў Шахцёрск і Тарэз (Відэа)
2- 27.07.2014, 15:36
- 36,398
Сілавікі працягваюць наступ на пазіцыі баевікоў у Данбасе.
Украінскія вайскоўцы вызвалілі горад Шахцёрск ад прарасейскіх тэрарыстаў і ўзнялі ўкраінскі сцяг. Войскі таксама ўвайшлі ў горад Тарэз у Данецкай вобласці. Пра гэта на сваёй старонцы ў сацыяльнай сетцы «Фэйсбук» паведаміў актывіст Віталь Уманец.
«Наступаць! Украінскія войскі ўвайшлі ў цэнтр Тарэза! Над горадам лётае авіяцыя, ідзе бой», - напісаў Уманец.
«Сілы АТА ў Тарэзе!» - дадаў ён пазней і апублікаваў фота блокпоста ўкраінскіх вайскоўцаў у горадзе.
Акрамя таго, адзначыў ён, украінскія вайскоўцы вызвалілі горад Шахцёрскі ад прарасейскіх тэрарыстаў і ўзнялі ўкраінскі сцяг.
Як паведамілі ў сваю чаргу ў інфармцэнтры РНБА, украінскае войска ў першай палове дня нядзелі вяло баі таксама ля горада Дзебальцава (Данецкая вобласць) і ў Першамайску (Луганская вобласць), а таксама на ўскраінах Горлаўкі, піша Цензор.нет.
Са слоў спікера інфармцэнтра РНБА Андрэя Лысенкі, падчас гэтых сутыкненняў сілавікі знішчылі 8 адзінак бронетэхнікі тэрарыстаў і ліквідавалі амль 20 баевікоў.