Беларускія вайскоўцы ўдзельнічаюць у вучэннях АДКБ
4- 29.07.2014, 9:04
- 4,536
У Кыргызстане пачынаюцца вучэнні дзяржаў-чальцоў Арганізацыі Дамовы аб калектыўнай бяспецы.
У іх возьме ўдзел і міратворчая рота 103-й гвардзейскай асобнай мабільнай брыгады сіл спецыяльных аперацый Узброеных сіл Беларусі. Яе даставіў на палігон 27 ліпеня вайскова-транспартны самалёт Іл-76МД, піша БелаПАН.
Вучэнні "Непарушнае братэрства - 2014" пройдуць 29 ліпеня - 1 жніўня. Іх тэма: "Падрыхтоўка і вядзенне аперацыі для падтрымкі міру Калектыўнымі міратворчымі сіламі (КМС) АДКБ у Цэнтральна-Азіяцкім рэгіёне калектыўнай бяспекі". Акрамя гаспадароў навучальнага цэнтра і беларусаў, выконваць вучэбна-баявыя задачы будуць міратворчыя падраздзялення з Арменіі, Казахстана, Расеі і Таджыкістана.
Мэты вучэнняў: павышэнне ўзроўню ўзаемадзеяння паміж міратворчымі кантынгентамі КМС АДКБ, удасканаленне палявой вывучкі асабовага складу, атрыманне камандзірамі і службовымі асобамі ўсіх узроўняў практыкі падрыхтоўкі і аперацый і кіравання кантынгентамі КМС АДКБ пры выкананні задач міратворчай дзейнасці, а таксама даследаванне арганізацыйна-штатнай структуры КМС АДКБ.
Сярод вучэбна-баявых задач, якія трэба будзе выканаць міратворцам шасці краін, - нясенне службы на блок-посце, вызваленне закладнікаў, суправаджэнне гуманітарнага грузу, супрацьдзеянне масавым беспарадкам.