Чалавек-трансформэр (Відэа)

На вуліцах мічыганскага мястэчка Ан-Арбор у строі трансформэра працуе незвычайны аніматар.

Відэа, якое з'явілася на YouTube, набрала больш за мільён праглядаў. Незвычайнага артыста зняў выпадковы мінак.

На відэа відаць, як жоўты робат спачатку «дае пяць» некалькім гарэзным малым. А пасля ператвараецца ў машынку, робіць кола, і зноў вяртаецца ў пачатковае становішча, паведамляе news.com.ua.

У аўтара строя ёсць уласная старонка на Facebook, на якой ён адзначае, што ягоная дзейнасць не мае ніякага дачынення да вядомага фільма.