У Гарадзенскай вобласці будуюць «Яцвяга»
3- 3.07.2014, 14:46
- 9,709
Аматары ранняга сярэднявечча з музея жывой гісторыі «Панямонскае гарадзішча» будуюць судна з ганарлівым назовам «Яцвяг».
Будаўніцтва прымеркавана да суднаходнага фестывалю культуры ранняга сярэднявечча "«З варагаў у грэкі», які пройдзе 21-27 верасня ў Бярозаўцы, Мастах і Гародні.
Будаўніцтва ідзе на ўсе застаўкі, паведамілі charter97.org карабельнікі, учора ўжо прайшла першая прымерка шпангоўтаў. На фестывалі будзе поўнае зануранне ў гісторыю: сярэднявечныя базары, спаборніцтвы, флот, выступ гуртоў «HardWood» і «Spiritual Seasons».
«Панямонскае гарадзішча» - гэта ўнікальная праграма аднаўлення побыту народаў, якія пражывалі на сучаснай тэрыторыі Беларусі ў IX-ХII стст.
«Яцвяг» названы ў гонар старажытнага балцкага народа яцвягаў. Да XVII стагоддзя яны засялялі міжрэчча Наровы і Нёмана, пасля чаго яны «расцерушыліся» сярод беларусаў, літоўцаў і палякаў.
