РНБА: Сілавікі бяруць баевікоў у кола

Антытэрарыстычная аперацыя ў Данбасе набліжаецца да заканчэння, заяўляюць у Радзе бяспекі.

Пра гэта на брыфінгу заявіў маршалак РНБА Андрэй Лысенка, каментуючы рэпліку журналістаў аб тым, што калі сілы АТА будуць вызваляць па чатыры населеныя пункты ў дзень, то аперацыя расцягнецца на некалькі гадоў, піша ЛІГАБізнесІнформ.

Лысенка адзначыў, што тэрарыстаў у Данбасе не выстарчыць на ўсе населеныя пункты. "Таму вызваляюцца населеныя пункты там, дзе ёсць штабы ці групоўкі баевікоў, якія супраціўляюцца і ладзяць пасткі. Менавіта гэтыя населеныя пункты вызваляюцца. І ўсе яны знаходзяцца як раз на шляху да стратэгічных аб'ектаў... Цяпер ідзе аперацыя, каб узяць у кола баевікоў і не даць ім магчымасці атрымліваць пастаўкі", - сказаў ён.

Са слоў прадстаўніка РНБА, антытэрарыстычная аперацыя ідзе вельмі паспяхова. "Аперацыя вельмі актыўная. Колькасць населеных пунктаў, якія кожны дзень вызваляюцца ад баевікоў, кажа пра тое, што аперацыя набліжаецца да лагічнага заканчэння, і гэта будзе абавязкова перамога", - адзначыў ён.

Лысенка дадаў, што галоўная мэта ўкраінскіх вайскоўцаў - не знішчыць баевікоў, а даць ім магчымасць скласці зброю. "Мы гатовыя зноў перайсці да мірнага часу пры ўмове складання зброі тэрарыстамі, усталявання кантролю на ўкраінска-расейскай мяжы і ўвядзення назіральнай місіі, у тым ліку пры ўдзеле прадстаўнікоў АБСЕ", - сказаў ён.

Раней паведамлялася, што тэрарысты ў Данецку выкралі з аддзялення Приватбанка 15 млн грн, прызначаных на сацыяльныя выплаты.