300 тэрарыстаў спрабавалі вярнуцца ў Расею з Данбаса - па іх адкрылі агонь
71- 3.07.2014, 16:29
- 64,690
Расея закрывае свае памежныя пункты пропуску і расстраляла групу з 300 тэрарыстаў, якія спрабавалі прарвацца ў РФ з Данбаса.
Пра гэта заявіў на брыфінгу спікер РНБА Андрэй Лысенка, паведамляе «Украінская праўда».
З ягоных слоў, расейскія памежнікі працягваюць закрываць свае пункты пропуску, каб не дапусціць вяртанне баевікоў у РФ. З 2 ліпеня прыпыненая праца расейскага пункту пропуску «Веселовознесенское».
«Ноччу намі была зафіксаваная спроба групы тэрарыстаў у складзе 300 чалавек пакінуць тэрыторыю Украіны. Але расейскія памежнікі адкрылі агонь па іх з усіх відаў зброі», - адзначыў Лысенка.
«Таму камандаванне АТА дае магчымасць баевікам скласці зброю і здацца. Гэтай магчымасцю тэрарысты ўжо пачынаюць карыстацца», - дадаў ён.
Ён таксама ўдакладніў, што цяпер намаганні сілавікоў накіраваныя на тое, каб узяць тэрарыстаў у «шчыльнае кола і не дазволіць ім атрымліваць харчаванне».
«Аперацыя вельмі актыўная. Наша галоўная мэта не знішчыць баевікоў, а даць ім магчымасць скласці зброю», - падсумаваў ён.