Ліндсі Лохан падала ў суд на стваральнікаў відэагульні GTA V (Відэа)

Акторка Ліндсі Лохан падала ў суд на стваральнікаў відэагульні Grand Theft Auto V (GTA V), абвінаваціўшы іх у незаконным выкарыстанні яе аблічча.

Пазоў быў пададзены ў сераду, 2 ліпеня, у Манхэтэнскі суд супраць студыі Rockstar Games і кампаніі Take-Two Interactive, якая валодае ёю, паведамляе Associated Press.

Лохан сцвярджае, што другарадны персанаж Grand Theft Auto V па імі Лэйсі Джонас заснаваны на яе стылі і вобразы гераінь з фільмаў «Кепскія дзяўчынкі» і «Чумная пятніца» таксама.

Акрамя таго, паводле сцвярджэння акторкі, для Джонас выкарыстаны элементы яе стылю і некаторыя рэчы з уласнай лініі адзення. Пра намер Лохан падаць у суд на распрацоўнікаў паведамлялася ў снежні 2013 года. Сума прэтэнзій паводле пазову не ўдакладняецца.

У пазове падкрэсліваецца, што Джонас пераймае знешнасць, голас і стыль Лохан. Паводле сюжэта яна з'яўляецца кіназоркай, якая просіць героя гульні схаваць яе ад папарацы ў гатэлі, падобным на «Шато Мармон», дзе акторка сапраўды калісьці жыла. У іншай місіі герою ў гэтым жа гатэлі трэба сфатаграфаваць акторку, якая займаецца сэксам і запісвае гэта на камеру свайго тэлефона.

Выдавец гульні Take-Two Interactive Software Інк і распрацоўшчык Rockstar Games пакуль ніяк не каментавалі пазоў скандальна вядомай акторкі.