У Маскве пройдзе «Зомбі-забег»
10- 3.07.2014, 20:09
- 7,693
У Маскве 27 ліпеня пройдзе «Зомбі-забег», удзельнікі якога паспрабуюць прайсці пяцікіламетровую дыстанцыю, не стаўшы ахвярай зомбі.
Пра гэта паведамляе Інтэрфакс.
У артыкуле ўдакладняецца, што мерапрыемства пройдзе ў парку «Кузьмінкі». Яго арганізуе супольнасць «Олигофрендс».
Арганізатары чакаюць, што ў мерапрыемстве возьмуць удзел больш за паўтары тысячы чалавек. Пры гэтым гуляць ролю зомбі будуць толькі першыя 100 з іх, якія выкажуць адпаведнае жаданне падчас рэгістрацыі. Удзельнікам мерапрыемства трэба будзе пераадолець пяць кіламетраў шляху, не трапіўшы ў рукі зомбі. Для ўскладнення задачы ў парку пабудуюць перашкоды.
Аналагічны масавы забег з зомбі ўжо прайшоў у Маскве летась ў кастрычніку. Тады звычайным людзям выдалі ахоўныя касцюмы, каб яны камфортней адчувалі сябе ў лесе, а тым, хто вырашыў быць зомбі, прафесійныя візажысты рабілі адпаведны грым.