Азарава абвясцілі ў міжнародны вышук
11- 3.07.2014, 20:27
- 12,083
Былога прэм'ер-міністра Украіны Мікалая Азарава абвясцілі ў міжнародны вышук.
Пра гэта паведамляе УНІАН са спасылкай на інфармаваную крыніцу ў МУС краіны.
У сярэдзіне чэрвеня Генеральная пракуратура Украіны пачала пошукі Азарава ў рамках расследавання справы аб злоўжыванні ўладай. Тады СМІ паведамлялі, што акрамя былога прэм'ера ў матэрыялах справы фігуруюць у тым ліку сын былога прэзідэнта Аляксандр Януковіч, былы віцэ-прэм'ер-міністр Андрэй Клюеў, былы кіраўнік Нацбанка краіны Сяргей Арбузаў.
У пачатку чэрвеня стала вядома, што аўстрыйская пракуратура пачала расследаванне ў дачыненні да сына Азарава Аляксея. Яго западозрылі ў адмыванні грошай.
Азараў займаў пост-прэм'ер міністра Украіны з сакавіка 2010 па студзень 2014 года. Да гэтага ён узначальваў міністэрства фінансаў краіны і быў віцэ-прэм'ер-міністрам.