Продажы iPhone 6 могуць пачацца 14 кастрычніка

Кампанія Apple плануе правесці прэзентацыю iPhone 6 16 верасня, а старт продажаў смартфона намечаны на 14 кастрычніка.

Пра гэта паведамляе партал MacRumors са спасылкай на ўласную крыніцу.

Са слоў крыніцы, аб даце пачатку продажаў новага смартфона стала вядома падчас сходу прадстаўнікоў сеткі Apple Store, на якім адзін са спікераў назваў 14 кастрычнік найважнейшым днём для Apple, адзначыўшы таксама, што кастрычніка будзе вельмі напружаным месяцам для кампаніі, піша NEWSru.com.

Агулам гэтая інфармацыя адпавядае той, якая друкавалася раней паводле прагнозаў, аднак калі старт продажаў iPhone 6 сапраўды адбудзецца ў аўторак, 14 кастрычніка, то гэта азначае, што Apple адмовіцца ад традыцыі адкрываць продажы прылад па пятніцах.

Як адзначыла крыніца, гэта змяненне звязанае з павышаным попытам на новае пакаленне iPhone. У той жа час месячны інтэрвал паміж прэзентацыяй і пачаткам продажаў прыкметна перавышае звыклыя тэрміны. Так, продажы iPhone 5s стартавалі ўсяго праз 10 дзён пасля яго прэзентацыі.

Відавочна, чуткі пра прэзентацыю і пачатак продажаў тычацца толькі iPhone 6 з дысплеем 4,7 цалі, паколькі Apple мае праблемы з вытворчасцю 5,5-цалевай версіі новага смартфона і наўрад ці выпусціць яе на рынак раней за 2015 год.