Парашэнка змяніў кіраўніка антытэрарыстычнага цэнтра СБУ

Прэзідэнт Украіны Пётр Парашэнка змяніў кіраўніка вайсковай аперацыі на ўсходзе краіны.

Замест Васіля Крутога кіраўніком Антытэрарыстычнага цэнтра прызначаны Васіль Грыцак, вынікае з паведамлення прэс-службы Парашэнкі.

Сваім загадам кіраўнік дзяржавы звольніў Крутога з пасады першага намесніка старшыні Службы бяспекі Украіны.

Прэзідэнт Украіны зацвердзіў план аперацыі ў Данецку і Луганску. Пра гэта ў эфіры "Пятага канала" паведаміў намеснік сакратара РНБА Міхаіл Коваль. "Гетман Пётр Парашэнка зацвердзіў план, які цалкам прадугледжвае ўсе этапы вызвалення нашай зямлі ад тых людзей, якія там дэстабілізуюць абстаноўку", - цытуе сілавіка УНІАН.

Раней у гэтым месяцы Парашэнка прыняў пастанову змяніць кіраўніцтва сілавога блока. Прэзідэнт растлумачыў, што ва ўмовах вайсковай аперацыі сілавы блок "мае патрэбу ва ўзмацненні і сур'ёзным, комплексным і сістэмным рэфармаванні".

Пастановай кіраўніка дзяржавы, якую падтрымала Вярхоўная рада, вайсковую ўстанову ўзначаліў Валерый Гелетэй. Выканаўца абавязкаў міністра абароны Міхаіл Коваль прызначаны намеснікам сакратара Рады нацыянальнай бяспекі і абароны. Начальнікам Генштаба ўкраінскага войска стаў генерал-лейтэнант Віктар Мужэнка. Ён змяніў на гэтай пасадзе Міхаіла Куцына.

У сваім першым выступе новы міністр абароны паабяцаў правесці парад перамогі ў Севастопалі. "Парад перамогі будзе ва ўкраінскім Севастопалі", - заявіў Гелетэй з трыбуны парламента.