Балгарскі капітан перадае досвед байцам батальёнаў «Днепр» і «Данбас»

Калін Дзімітраў ужо двойчы прыязджаў ва Украіну, і яго ведаюць многія байцы.

Пра гэта на сваёй старонцы ў Facebook напісаў галоўрэд Цензор.нет Юрый Бутусаў.

"Учора быў дзень нараджэння ў выдатнага чалавека, пра які я павінен расказаць усім украінцам. Гэта Калін Дзімітраў - капітан рэзерву Узброеных сіл Балгарыі, інструктар зброевых акадэмій "Зігзаўэр" і "Хэклер унд Кох", адзін з вядучых балгарскіх экспэртаў у баявой падрыхтоўцы і ўзбраенні спецпадраздзяленняў. Гэта той самы надзвычайны хлопец, які даў вось гэтае вядомае інтэрв'ю "Я гатовы змагацца і аддаць жыццё за свабоду Украіны" - цяпер ён дазволіў мне назваць яго імя.

Калін ужо двойчы прыязджаў ва Украіну, і яго знаюць многія байцы "Дняпра" і "Данбаса". Гэта сапраўды бліскучы метадыст, высокаарганізаванымі і дысцыплінаваны чалавек, які прыехаў да нас тады, калі здавалася, расейскае ўварванне стане немінучым, і фронтам стане ўся Украіна. Такога ўзроўню знаўцаў стралковай зброі мала не толькі ў нас, але і ў іншых краінах Еўропы.

Але акрамя прафесіяналізму я хацеў бы сказаць, што Калін - проста сапраўдны рыцар, без страху, для якога дэмакратыя, свабода, - не пусты гук. Ён глыбока перажывае сітуацыю ва Украіне з часоў Майдана, і ўсёй душой імкнецца нам дапамагчы. А ўжо колькі ён сваіх заробкаў выдаткаваў на дапамогу самым розным людзям у нашых узброеных сілах - цяжка падлічыць. Калі заўтра вайна, і дазволяць заклік добраахвотнікаў-замежнікаў у нашае войска, Калін прыедзе, я не сумняваюся.

У мяне ёсць мара. Пабудаваць для нашых узброеных сілаў і добраахвотнікаў дзяржаўна-прыватную вайсковую акадэмію для індывідуальнай падрыхтоўкі байцоў лёгкай пяхоты і спецназу, школу снайпераў, школу сяржантаў, навукова-навучальны цэнтр войскаў спецпрызначэння для малодшых афіцэраў. І прыцягнуць Каліна да гэтай працы. Працаваць з такім лідэрам, як Калін, вялікі гонар! Дзякуй табе яшчэ раз, што ты жывеш так далёка ад Украіны, так блізка да сэрца прымаеш наш боль. Проста неверагодна, што такія людзі як ты ёсць у свеце.

P.S. Віншаваў учора Каліна - а ён мне напісаў смс: "Сёння мы з сябрамі адзначалі, і яны мяне павіншавалі супольным выкананнем украінскай народнай песні "Пуцін - х***йло!" Слава Украіне!", - напісаў Бутусаў.