Фальшывы ролік пра здымкі «Зорных войнаў» стаў хітом YouTube (Відэа)

Сцвярджаецца, што кліп аб новых «Зорных войнах» зняты ў аэрапорце Франкфурта.

Фальшывы ролік пра здымкі новых «Зорных войнаў» стаў хітом відэасэрвісу YouTube, піша Газета.ru са спасылкай на The Guardian.

Кліп, які выклалі 2 ліпеня, сабраў на момант публікацыі артыкула ў брытанскай газеце больш за 1 млн праглядаў, а да гэтага часу відэа паглядзелі больш за 2,7 млн чалавек.

Як адзначае газета, ролік з'яўляецца «відавочнай падробкай», і паверыць у яго рэальнасць можа «толькі вельмі маленькае дзіця». Хто і навошта зрабіў гэты кліп, невядома.

Аўтарам значыцца Франк Вундэрліх. Гэта звычайнае нямецкае імя, адзначае газета. Гэты карыстальнік не публікаваў ніякіх іншых відэа ні да, ні пасля роліка пад назвай eaked Star Wars Episode VII Filmset Footage». Як сцвярджае карыстальнік, ён зняў кліп пра «Зорныя войны» ў аэрапорце Франкфурта.

Газета не выключае, што гаворка ідзе аб утоеным вірусным маркетынгу. З такім меркаваннем не згодны кіраўнік кампаніі ў распрацоўцы візуальных эфектаў Jellyfish Pictures Філіп Дабры. З ягоных слоў, якасць відэа для рэкламы недастаткова добрая.