Як выйсці з дэпрэсіі пасля адпачынку: 10 парад
3- 8.07.2014, 14:36
- 11,583
Кожны трэці чалавек, які вярнуўся пасля адпачынку на працоўнае месца, пакутуе ад дэпрэсіі.
Калі ўспаміны пра пясчаныя пляжы і цёплае мора суправаджаюцца раздражняльнасцю, запальчывасцю і прыгнечанасцю - час скарыстацца парадамі, як пакласці гэтаму канец і вярнуцца ў працоўны рытм.
Пра тое, як з найменшымі стратамі вярнуцца ў працоўны рэжым, распавядае партал rabota.ua:
1. Вяртайцеся з адпачынку загадзя (мінімум за дзень-два да пачатку работы).
2. У дзень прыезду дадому добра выспіцеся і адпачніце.
3. Не кідаецеся адразу ва ўсе назапашаныя справы.
4. Не плануйце ў дзень прыезду ніякіх сур'ёзных сустрэч і візітаў.
5. Не затрымлівайцеся на працы першыя 2-5 дзён, паспрабуйце сысці своечасова.
6. Не пачынайце адразу новых маштабных праектаў, лепш яшчэ раз уважліва прааналізуйце перспектывы арганізацыі і свае асабістыя планы.
7. Не спяшаецеся абзвоньваць знаёмых і сяброў, каб даведацца ўсе навіны, бо звычайна добрых вестак менш, чым дрэнных.
8. У першыя дні пасля адпачынку паспрабуйце ўхіліцца ад канфліктных сітуацый і дома, і на працы.
9. Падтрымайце свой арганізм - невялікія, але рэгулярныя фізічныя нагрузкі, вітаміны, сокі і шакалад дапамогуць вашаму арганізму пераключыцца на працоўны рытм.
10. Не злуйцеся на кіраўніка і супрацоўнікаў за іх неадэкватныя паводзіны, магчыма, што ім таксама цяжка пасля адпачынку. Станьце самі цэнтрам добрага настрою.