На рынку нерухомасці зацішша перад навальніцай

Яшчэ больш менчукоў імкнуцца ў гэтым годзе прадаць кватэры, кошт якіх з кожным месяцам паступова зніжаецца.

Попыт на здымнае жыллё таксама пакуль падае, піша газета «Беларусы і рынак».

У апошні месяц вясны квадратны метр у жылых новабудоўлях зноў патаннеў у межах 1%. Паводле вынікаў траўня сярэдні кошт 1 кв м на першасным рынку жылля ў Менску склаў 1.660 USD. Гэта на 18 USD менш, чым у красавіку. Аналітыкі тлумачаць такую сітуацыю скарачэннем тэрмінаў будаўніцтва і павелічэннем колькасці аб'ектаў, якія здаюцца ў эксплуатацыю. Калі ж параўнаць звесткі з пачаткам года, калі 1 кв м каштаваў 1.636 USD, то дагэтуль назіраецца невялікі, але ўсё ж рост сярэдняга кошту - плюс 1,4%, або 24 USD.

Самым шматлікімі на рынку і запатрабаваным пакупнікамі з'яўляецца клас стандарт паводле новай класіфікацыі першаснага жылля. У параўнанні з красавіком кошты ў ім засталіся на ранейшым узроўні. Больш за ўсё ў траўні патаннеў метр у трохпакаёвых кватэрах - мінус 150 USD. Сярэдні кошт аднапакаёвай кватэры склаў 1.650 USD/кв м (мінус 80 USD/кв м), на двухпакаёвую - 1.570 USD/кв м (мінус 100 USD/кв м) і на трохпакаёвую - 1.530 USD/кв м.

Як адзначаюць у аддзеле кансалтынгу і аналітыкі групы кампаній «Твая сталіца», пакупніцкая актыўнасць на рынку застаецца стабільнай. Найменшая розніца паміж пікавым і мінімальным коштам прапановы на рынку характэрная для дамоў эканомкласа - амаль 32%, або 380 USD/кв м, а найбольшая - для дамоў класа камфорт (85%, або 1.250 USD/кв м).

На другасным рынку жылой нерухомасці квадратны метр у траўні застаўся верны традыцыі гэтага года і зноў патаннеў за месяц амаль на 2%. Кошт 1 кв м кватэр стандартных спажывецкіх якасцяў у траўні сфармаваўся на ўзроўні 1.510 USD. У прыватнасці, 1 кв м аднапакаёвых кватэр патаннеў на 6%, або на 100 USD/кв м (да 1.620 USD/кв м), двухпакаёвых - на 9%, або на 140 USD/кв м (да 1.450 USD/кв м), трохпакаёвых - на 4%, або на 65 USD/ кв м (да 1.460 USD /кв м).

У кватэрах з рамонтам і мэбляй сярэдні кошт квадратнага метра знізіўся на 3%, або на 50 USD/кв м, і склаў 1.770 USD/кв м.

Аб’ём прапановы на рынку ў параўнанні з траўнем 2013 вырас на 53%. У прыватнасці, колькасць выстаўленых на продаж аднапакаёвых кватэр павялічылася на 48%, двухпакаёвых - на 54%, трохпакаёвых - на 63%.

Найбольш актыўна менчукі імкнуліся прадаць кватэры ў сакавіку гэтага года. Затым спрыт паменшылася. У параўнанні са студзенем аб'ём прапановы на рынку знізіўся на 6%. У прыватнасці, зніжэнне аб'ёмаў прапановы закранула аднапакаёўкі (на 13%) і двухпакаёўкі (на 6%) кватэр.

У траўні менш стала і ахвотных афіцыйна зняць жыллё ў сталіцы. У параўнанні з красавіком сярэдні кошт арэнды кватэр стандартных спажывецкіх якасцяў знізіўся на 2%. Так, без уліку камунальных аплат арэнда аднапакаёвай кватэры ў траўні абышлася ў 360 USD, двухпакаёвай - у 460 USD, трохпакаёвай - у 500 USD. Адзначым, што тут гаворка ідзе пра кватэры з базавым наборам мэблі (кухня, стол, крэслы, канапа/ложак, шафа-купэ), бытавой тэхнікі (халадзільнік, тэлевізар, мікрахвалёўка, пралка) і акуратнага рамонту (падлогі лінолеуме або ламінат, шпалеры без істотных дэфектаў, аздабленне сцен ваннага пакою і санвузла кафляй).

Аднапакаёвыя кватэры, якія здаюць без мэблі і ў здавальняючым стане, у сярэднім каштавалі пад 300 USD у месяц, двухпакаёвыя - 400 USD, трохпакаёвыя - 450 USD.

Хай невялікае, але ўсё ж зніжэнне кошту арэнды звязана з павелічэннем аб'ёму прапановы кватэр для здыму з сакавіка гэтага года. У сваю чаргу, аб'ём прапановы павялічваецца праз сталае змяншэнне рэалізаванага попыту. На зніжэнне попыту паўплыў і фактар сезоннасці. Аднак усё больш арандатараў мяркуюць, што кошты арэнды жылля ў Менску неабгрунтавана высокія.

І тое, што мы назіраем цяпер, гэта самастойная карэкціроўка рынкам кошту арэнды на аснове аб'ектыўных законаў суадносін попыту і прапановы ў мэтах знаходжання аптымальнага коштавага ўзроўню. Для таго каб кошт арэнды не ўпаў далей, арэндадаўцам варта прыняць да ўвагі той факт, што нават цяпер, з улікам адзначанага зніжэння, кошт арэнды для многіх арандатараў занадта высокі. Таму ў мэтах ўласнай жа выгады, магчыма, варта крыху знізіць, каб пазбегнуць прастою.