Беларусам давядзецца пачакаць з пераходам PayPal на нацвалюту

Пакуль сістэма PayPal не працуе з беларускімі рублямі і даступная толькі для фізічных асоб.

Пра гэта паведамілі карэспандэнту БелТА ў кампаніі.

Пакуль сістэма PayPal не працуе з беларускімі рублямі і даступная толькі для фізічных асоб. У кампаніі пакуль не гатовыя сказаць, калі сэрвіс пяройдзе на працу з нацыянальнай валютай Беларусі, а таксама калі скарыстацца яе паслугамі змогуць юрыдычныя асобы. "Мы зрабілі наш першы крок на беларускім рынку. І абвесцім аб даступнасці новых паслуг, як толькі будзем да гэтага гатовыя", - адзначылі ў кампаніі.

Каментуючы, чаму беларускім карыстальнікам PayPal пакуль даводзіцца працаваць у англамоўным інтэрфэйсе, у кампаніі растлумачылі, што цяпер жыхары краін постсавецкай прасторы, у якіх адкрытая толькі магчымасць адпраўкі аплат, падлучаныя да англамоўнага інтэрфэйсу. "Мы хочам, каб наш сэрвіс быў максімальна простым і зручным, і разумеем, што для многіх жыхароў Беларусі камфортней было б працаваць у рускамоўным інтэрфэйсе. Аб любых важных зменах у нашых паслугах, у тым ліку аб пераходзе на рускамоўную версію сайта, мы будзем паведамляць па меры гатоўнасці", - дадалі суразмоўцы.

Жыхары Беларусі атрымалі магчымасць адкрываць рахункі ў PayPal і рабіць плацяжы на мільёнах сайтаў ва ўсім свеце ў чэрвені 2014 года.

На гэты момант аплатная сістэма PayPal даступная ў 203 краінах. Яе карыстальнікамі з'яўляюцца больш 148 млн чалавек, штодня ў ёй апрацоўваюцца больш за 9 млн плацяжоў. PayPal працуе з 26 нацыянальнымі валютамі.