Украінскія сілавікі рыхтуюць вызваленне Данецка і Луганска
8- 9.07.2014, 9:14
- 17,023
Сілы антытэрарыстычнай аперацыі рыхтуюцца да галоўнага наступу - вызвалення Данецка і Луганска.
Пра гэта заяўляюць у РНБА Украіны, піша gazeta.ua.
"Ідзе актыўная фаза наступу і блакавання гарадоў, у якіх засяроджаныя тэрарысты. Цяпер ідзе праца з дарогамі, якія вядуць да гэтых гарадоў, каб перацяць іх і не дазволіць тэрарыстам атрымаць дапамогу узбраеннем і боепрыпасамі", - сказаў на брыфінгу ў аўторак спікер інфармцэнтра Андрэй Лысенка.
Ён падкрэсліў: "Ідзе падрыхтоўка да вызвалення Данецка і Луганска".
Са словах Лысенкі такая падрыхтоўка ідзе вельмі актыўна.
Спікер інфармцэнтра нагадаў, што сілам АТА забаронена выкарыстоўваць у гэтых гарадах авіяцыю і артылерыю.
Менавіта таму, са слоў Лысенкі, праходзіць спецпадрыхтоўка сілавікоў і будуць задзейнічаныя ўсе спецпадраздзяленні.
"Немагчыма проста адразу ўзяць гэтыя гарады, ёсць інфармацыя аб пунктах, блок-пастах, якія тэрарысты арганізавалі на вуліцах гарадоў, на галоўных артэрыях горада. Я больш не магу нічога сказаць, рыхтаецца галоўны наступ на гэтыя гарады, каб іх вызваліць", - падкрэсліў спікер інфармцэнтра РНБА Украіны.