Брамнік зборнай Бразіліі: Цяжка растлумачыць невытлумачальнае

Галкіпер зборнай Бразіліі Жуліё Сезар не можа растлумачыць сенсацыйную паразу сваёй каманды.

"Шчыра кажучы, складана растлумачыць невытлумачальнае. Мы павінны прызнаць веліч нямецкага футбола, якую ён назапасіў за апошнія шэсць гадоў. Дагэтуль у нас усё ішло выдатна, а бразільцам я хачу падзякаваць за падтрымку, якая ў нас была.

Пасля першага прапушчанага гола ніхто такога не чакаў. Я прызнаю свае памылкі. Але нашая каманда моцная, гульцы яшчэ могуць падняць голавы", - заявіў Жуліё Сезар.

Пра гэта ён сказаў у інтэрв'ю мясцоваму выданню Globo Esporte, піша football.ua.

Нагадаем, у аўторак, 8 ліпеня, у матчы 1/2 фіналу чэмпіянату свету ў футболе 2014 Бразілія была распляжаная Нямеччынай з лікам 1:7.