Адказ «каларадскім» стужкам: на М1 разгарнулі вялізны нацыянальны сцяг (Відэа)

9 ліпеня актывісты разгарнулі 15-метровы бел-чырвона-белы сцяг на трасе Берасце-Масква.

Як стала вядома сайту charter97.org, сёння на досвітку актывісты «Народнага супраціву» разгарнулі бел-чырвона-белы сцяг на траве ля галоўнай беларускай аўтамагістралі ў Берасцейскай вобласці «на знак падтрымкі нацыянальнай сімволікі».

«Гэтай акцыяй мы звяртаем увагу на павагу да сваіх сімвалаў, каб не давялося паважаць чужыя», - пішуць актывісты на сваёй старонцы ў «Фэйсбуку». - «Стоп распаўсюджванню расейскай сімволікі і «каларадскіх» стужачак ў Беларусі!».