Беларусаў арыштоўваюць за «ліпавыя» ДТЗ на тэрыторыі Польшчы
5- 9.07.2014, 17:05
- 20,942
Напачатку 2000-х гадоў некаторыя беларусы бралі ўдзел у махінацыях са страхавымі полісамі аўтатранспарту ў Польшчы.
Яны арганізоўвалі «ліпавыя» ДТЗ, каб атрымаць страхавыя выплаты. На Падляшшы пачалі вылічваць і арыштоўваць такіх людзей. Нават па заканчэнні дзесятка гадоў ім пагражае крымінальная адказнасць. За такія афёры артыкул 286 КК Польшчы прадугледжвае пакаранне ў выглядзе пазбаўлення волі тэрмінам да 8 гадоў, піша БелТА.
Як растлумачыў генконсул Аляксандр Берабеня, з сакавіка гэтага года ў генконсульства паступаюць паведамленні з пракуратуры Беластока. Некаторых беларусаў затрымліваюць і арыштоўваюць паводле падазрэння ў справе страхавой кампаніі BTUiR Heros (аддзяленне ў Беластоку).
Праваахоўнікі распавялі, што да супольных ілжывых заяў аб ДТЗ на тэрыторыі Польшчы (хутчэй за ўсё, за ўзнагароджанне) беларусаў прыцягвалі прадпрымальныя аўтаўладальнікі-палякі. Пасля такіх аварый звычайна належыць выплата ад страхавой кампаніі за шкоду, прычыненую аўтамабілям у інсцэніяваныхі ДТЗ.
Такія дзеянні разглядаюцца як сур'ёзнае крымінальнае злачынства.