Навучанне ў аўташколах Гародні падаражэла
- 13.08.2014, 14:47
- 8,227
Аўташколы Гародні абвясцілі пра падвышэнне кошту навучанне кіроўцаў катэгорыі «В».
У сярэднім кошты выраслі на Br 200-400 тысяч, паведамляе партал «Автогродно».
Так, з улікам падвышэння навучанне ў гарадзенскіх аўташколах на катэгорыю «В» каштавацьме Br3-4,2 млн.
У аўташколах Гародні адзначаюць, што, мусібыць, вераснёўскае падвышэнне кошту - не астатняе: са студзеня 2015 года, калі ўвойдуць у дзеянне змены, унесеныя ў шэраг нарматыўных дакумэнтаў, што рэгулююць дзейнасць школ, кошт зноў вырасце і, як кажуць спецыялісты, больш значна.
Нагадаем, да 2008 года ў аўташколах ужываліся фіксаваныя тарыфы - навучанне ўсюды каштавала аднолькава, а кошт устанаўляў урад.