У Гародні наведвальнікі клуба затрымалі п'янага «бяспраўніка»

У Гародні мінулай ноччу затрымалі маладзёна, які ўчыніў ДТЗ на чужым аўтамабілі.

Пра гэта паведамілі charter97.org у прэс-службе ДАІ УУС Гарадзенскага аблвыканкама.

«Да позняга вечара юнак выпіваў з сябрамі на вуліцы Мендзялеева. Пасля чаго папрасіў адвезці яго ў начны клуб на вуліцы Ажэшкі. Тры літры піва выпіў на дыскатэцы і на таксі прыехаў на вуліцу Паўднёвую. Дома ляжалі ключы ад «Рэно», які яму пакінулі, каб падрамантаваць. Скарыстаўшыся чужым аўтамабілем, ён пад'ехаў да згаданага вышэй клубу. Сваёй хісткай хадой звярнуў на сябе ўвагу моладзі, якая затрымала яго. Абапёрся на капот «Рэно», што пакаціўся назад і фаркопам пагнула пярэдні бампер «Аўдзі».

На месца выбылі супрацоўнікі Дзяржаўтаінспекцыі, якія ўстанавілі ў юнака амаль сяміразовае перавышэнне ўтрыманне алкаголю ў арганізме. У такой жа дзень роўна год таму яго затрымлівалі п'яным на Фолюшы. Не маючы пасведчання кіравання, ён тады абышоўся штрафам. Гэтым разам чакае прыцягнення да крымінальнай адказнасці, і будзе разглядацца пытанне аб канфіскацыі аўтамабіля», - паведамілі там.