Аўтапарк Вікторыі Азаранкі: «Паршэ» і «Бэнтлі» (Фота)

У свежым нумары часопіса Bentley Magazine апублікаваны матэрыял аб Вікторыі Азаранцы.

Пра гэта піша «Салiдарнасць».

«Маімі цацкамі, калі я была дзіцем, былі больш самаходы, чым лялькі», - прызналася знакамітая беларуска.

Тэнісістка пазуе за стырном сіняга Bentley Mulsanne.

Выяўляецца, яна заўзятая аўтааматарка.

- Мой тата вучыць людзей кіраваць самаходам, так што я навучылася кіраваць у вельмі малым веку, - кажа Віка. - Я проста люблю хуткасць. Адрэналін.

Як піша выданне, у Азаранкі ёсць самаходы ў Лос-Анджэлесе і Манака.

Вядома, што ў аўтапарку спартоўкі ёсць Porsche Panamera, набыты два гады таму.