Вышку электраперадач у Маскве пафарбавалі ў колеры сцяга Украіны

На паўднёвым захадзе Масквы, каля метро «Нагорная», вышку лініі электраперадачы перафарбавалі ў колеры ўкраінскага сцяга.

Пра гэта паведаміў выданню gazeta.ru сведка.

Гэты выпадак не з'яўляецца адзінкавым на тэрыторыі Масквы, адзначаюць карыстальнікі сацыяльных сетак.

Уноч на 20 жніўня залатая зорка на шпілі будынка на Кацельнічэскай набярэжнай была часткова пафарбаваная ў сіні колер, а зверху быў узняты ўкраінскі сцяг. Паліцыя затрымала паводле справы двух хлопцаў і дзвюх дзяўчат, якія спусціліся з гмаху на парашутах. Аўтарам акцыі на гмаху пагражае да сямі гадоў зняволення.