Ізраільскія ВПС знішчылі трох лідэраў ХАМАС

У выніку авіяўдараў Ізраіля па горадзе Рафах на поўдні сектара Газа загінулі тры камандзіры групоўкі.

Паводле інфармацыі выдання The Guardian, былі забітыя Махамед Абу Шамала (Mohammed Abu Shamalah), Махамед Бархум (Mohammed Barhoum) і Раед Атар (Raed Attar). Усяго ахвярамі ізраільскай атакі ўночы на 21 жніўня сталі восем палестынцаў. Падчас удараў ВПС габрэйскай дзяржавы па Рафах быў цалкам разбураны чатырохпавярховы жылы будынак, піша Lenta.ru.

«Раед Атар арганізоўваў тэрарыстычныя атакі баевікоў на тэрыторыі Ізраіля, а таксама захоп закладнікаў, у прыватнасці, салдата Гілада Шаліта. Махамед Абу Шамала таксама зладзіў дзесяткі тэрактаў», - падае газета словы прадстаўнікоў ЦАХАЛ.

Па-ранейшаму невядомы лёс яшчэ аднаго вайсковага лідэра ХАМАС - Махамеда Дэйфа. 20 жніўня ў выніку паветранага ўдару загінулі ягоная жонка і немаўля. Як мяркуецца, самому Дэйфу ўдалося выратавацца.

Уночы на 20 жніўня перамовы аб мірным урэгуляванні канфлікту ў сектары Газа былі прыпыненыя. У адказ на запуск ракет па Ізраілю з падкантрольнай ХАМАС тэрыторыі прэм'ер-міністр Біньямін Нетаньяху аддаў загад бамбіць пазіцыі баявікоў.

Аперацыя «непарушны скала», якую Ізраіль пачаў у сектары Газа 7 ліпеня, забрала жыцці больш за 2 тысячы палестынцаў і амаль 70 ізраільцаў.