Фотафакт: Плакаты да 500-годдзя перамогі пад Оршай у Берасці

Вялікія маляўнічыя плакаты ў гонар юбілею бітвы пад Оршай з'явіліся на вуліцах Берасця.

Іх, як стала вядома charter97.org, распаўсюдзілі актывісты ініцыятывы «Вольны горад». На плакатах намаляваны рыцар пад бел-чырвона-белым сцягам.

Бітва на Крапівенскім полі адбылося 8 верасня 1514 года падчас чарговай вайны з Маскоўскім княствам, калі маскоўскія войскі спрабавалі захапіць тэрыторыю Беларусі і Літвы. Адным з галоўных герояў Аршанскай бітвы быў гетман Канстанцін Астрожскі. Менавіта ён быў на чале 30-тысячнага беларускага войска, якое цалкам разбіла 80-тысячнае маскоўскае войска.

Адзначаць 8 верасня як Дзень беларускай вайсковай славы пачалі толькі ў канцы 80-х. А ў 1992 годзе ў гадавіну вялікай бітвы на плошчы Незалежнасці ў Менску беларускія афіцэры ўрачыста прынялі прысягу на вернасць роднай краіне і народу. 8 верасня 1992 года ў Менску былі прыведзеныя да прысягі 12 афіцэраў і 3000 жаўнераў запасу. Тады ўдзельнікі гэтай прысягі падвяргаліся ціску з боку ўладаў, але праз вельмі кароткі час прысягу на вернасць Беларусі прынялі ўсе вайсковыя часткі.