Чураў хоча назваць сажалку на Селігеры ў гонар сябе

Кіраўнік Цэнтрвыбаркама РФ прапанаваў назваць у свой гонар сажалку ў раёне моладзевага лагера «Селігер».

Менавіта ў ёй Уладзімір Чураў у мінулы раз «ледзь не патануў», прыляцеўшы ў моладзевы лагер на паветраным шары. «Трэба гэтую сажалку ў гонар мяне назваць. У мінулы раз, калі я на шарыку ляцеў, ледзь у ёй не патануў», - сказаў кіраўнік ЦВК, праходзячы міма невялікай сажалкі насупраць шатра, дзе праводзяцца лекцыі для ўдзельнікаў форуму.

Як нагадвае ІТАР-ТАСС, летам 2012 года Чураў абраў экстравагантны спосаб перамяшчэння для сваёй паездкі на «Селігер» - ён прыляцеў на чырвоным паветраным шары. Праўда, тады ў Цэнтрвыбаркаме ні пра якія інцыдэнты падчас палёту старшыні камісіі не паведамлялі.

Чураў выступіць на форуме з лекцыяй «Палітычныя партыі і выбары», а затым возьме ўдзел у «панэльнай дыскусіі» з удзельнікамі форуму, які рэгулярна праводзяць для прапуцінскай моладзі.

Фота: Reuters