Эпідэмія ліхаманкі Эбола перакінулася на Цэнтральную Афрыку

Геаграфія распаўсюджвання эпідэміі ліхаманкі Эбола пашыраецца.

Цяпер хвароба перакінулася з Заходняй Афрыкі на Цэнтральную. У Дэмакратычнай Рэспубліцы Конга (ДРК) лабараторныя тэсты паказалі, што два чалавекі памерлі ад віруса Эбола. Як паведаміў у панядзелак міністр аховы здароўя краіны Фелікс Кабангэ Нумбі, такім чынам, у краіне ўпершыню ў гэтую хвалю эпідэміі зафіксаванае заражэнне вірусам, перадае ВВС.

Са слоў кіраўніка ўстановы, два смяротныя выпадкі ад віруса выяўленыя ў Экватарыяльнай правінцыі на паўночным захадзе краіны, дзе памерлі ўжо 13 чалавек з сімптомамі, падобнымі да ліхаманкі гэтага тыпу.

Міністр удакладніў, што пробы былі ўзятыя ў тым жа раёне, дзе раней была зафіксаваны выбух гемарагічнага гастраэнтэрыту, ад якога памерлі не менш за 70 чалавек. Са слоў міністра, карантынная зона будзе створаная ў радыусе 100 км ад Боэндэ.

Успышка смяротна небяспечнага захворвання пачалася ў лютым гэтага года ў Гвінеі, пазней распаўсюдзілася на суседнія Сьера-Леонэ і Лібэрыю. Паводле звестак Сусветнай арганізацыі аховы здароўя (СААЗ), у краінах Заходняй Афрыкі вірусам заразіліся ўжо больш за 2615 чалавек, яе ахвярамі сталі 1427 чалавек.

Самай вострай сітуацыя застаецца ў Лібэрыі, дзе ўжо загінулі 624 чалавек. У Сьера-Леонэ колькасць ахвяр цяжкай вострай віруснай інфекцыі дасягнула 392 чалавек, у Гвінеі - 406, у Нігерыі - 5 Кот-д'Івуар, Габон, Сенегал, Камерун і ПАР закрылі межы для жыхароў краін, дзе віруе ліхаманка Эбола. У суботу ў Сьера-Леонэ парламент прыняў новы закон, згодна з якім укрывальніцтва ад уладаў хворых на вірус з гэтага часу разглядаецца як крымінальнае злачынства.

ДРК не мае агульнай мяжы з дзяржавамі, дзе з лютага распаўсюджваецца вірус ліхаманкі Эбола. Аднак першы выпадак заражэння гэтай смяротна небяспечнай хваробай быў зафіксаваны менавіта ў гэтай краіне - у 1976 годзе на поўначы цяперашняй ДРК у раёне ракі Эболы. ДРК з'яўляецца другая пасля Алжыра плошчай тэрыторыя і чацвёртая - пасля Нігерыі, Эфіёпіі і Егіпта - колькасцю насельніцтва краінай Афрыкі. МВФ, правёўшы даследаванні ў 2012 годзе, абвясціў ДРК самай беднай краінай свету.

Між тым на мінулым тыдні стала вядома, што, хоць зацверджанага СААЗ лячэння ад віруса Эбола няма, у ЗША ад хваробы з дапамогай сыроваткі ZMapp паспяхова вылячыўся амерыканскі лекар Кент Брэнтлі. У мінулы чацвер яго выпісалі са шпіталя ў Атланце. Паведамляецца, што тры лібэрыйскія медыкі, якія атрымліваюць ZMapp, таксама пайшлі на папраўку.

У Еўропе ўжо таксама ёсць пацыенты з вірусам: у выходныя ў Вялікабрытанію з Сьера-Леонэ быў дастаўлены першы інфікаваны вірусам падданы каралеўства.

Ліхаманка Эбола з'яўляецца адной з самых смяротных хвароб у свеце - да 90% выпадкаў заражэння ёю прыводзіць да смерці. У ліку сімптомаў - высокая тэмпература, крывацёк унутраных органаў, парушэнні цэнтральнай нервовай сістэмы. Інкубацыйны перыяд складае ад двух да 21 дня.

Фота: Reuters