На матч БАТЭ - «Слован» прададзена 12 тысяч білетаў

26 жніўня БАТЭ на «Барысаў-Арэне» правядзе двубой у адказ раўнда плэй-оф Лігі чэмпіёнаў.

Падтрымаць «жоўта-сініх» прыйдуць як мінімум 12 тысяч гледачоў - менавіта столькі білетаў прададзена на раніцу панядзелка.

Такім чынам, у касах самага сучаснага стадыёна краіны і офісе Ticketpro у Менску засталіся даступнымі для набыцця толькі блізу 200 квіткоў, паведамляе афіцыйны сайт БАТЭ.

Сектар G1 адведзены фанатам «Словану», таксама частка месцаў зарэзерваваў для сваіх партнёраў Саюз еўрапейскіх футбольных асацыяцый.