Самы высокі будынак Варшавы падсвяцілі ў колеры сцяга Украіны
5- 25.08.2014, 17:53
- 10,305
Палац культуры і навукі польскай сталіцы на некалькі дзён стаў сіне-жоўтым.
Такім чынам у Варшаве адзначылі Дзень незалежнасці Украіны і Дзень дзяржаўнага сцягу. Будынак падсвечвалі сінімі і жоўтымі пражэктарамі кожны вечар з 22 да 25 жніўня.
230-метровы Палац культуры і навукі з'яўляецца самым высокім у Польшчы і ўваходзіць у дзесятку найбуйнейшых хмарачосаў Еўропы.
Раней, 4 жніўня, яго падсвяцілі ў колеры забароненага беларускімі ўладамі бел-чырвона-белага сцяга.