У Менску арыштавалі валютчыкаў
14- 25.08.2014, 21:16
- 21,820
На руках у валютчыкаў было больш за дзесяць тысяч даляраў.
Супрацоўнікі АБЭЗ Першамайскага РУУС затрымалі з доказамі злачынства адразу дваіх мянялаў. Як піша minsknews.by, 38-гадовы мянчук і ягоны 54-гадовы «калега» папаліся на незаконным абмене валют. Цёмныя справункі валютчыкі варочалі па даўно адпрацаванай схеме. Былі і пастаянныя кліенты. Як правіла - прыватныя прадпрымальнікі, якія звычайна мянялі кругленькія сумы. У аднаго злачынцы падчас затрымання на руках было 1000 даляраў, у іншага - 10 000.
У дачыненні да менчукоў складзеныя адміністрацыйныя пратаколы. Праводзіцца праверка.