Праз выбух на Лунінецкай ЦЭЦ распачатая крымінальная справа

Справа распачатая паводле часткі 2 артыкула 306 («парушэнне правілаў аховы працы»).

Пра гэта паведамілі агенцтву «Інтэрфакс-Захад» у сераду ў аддзеле інфармацыі і сувязі з грамадскасцю Следчага камітэта Беларусі.

«Следчы камітэт працуе на месцы выбуху ў цэху будаванага аб'екта «Лунінецкая ЦЭЦ». Дагэтуль паводле вынікаў вонкавага агляду ўстаноўлена, што выбух адбыўся ў момант пуска-наладакавых мерапрыемстваў, - гаворыцца ў паведамленні. - На гэты момант распачатая крымінальная справа паводле ч.2 арт.306 (парушэнне правілаў аховы працы) Крымінальнага кодэкса Беларусі».

У выніку выбуху адбылося частковае абрынанне сцен і перакрыццяў будынка, што прычынілася да загубы аднаго чалавека і прычыненне цялесных пашкоджанняў рознай ступені цяжкасці двум другім, удакладнілі ў СК.

«На месцы здарэння працуе перасоўная крыміналістычная лабараторыя СК. Да агляду таксама прыцягнуты спецыялісты міністэрства надзвычайных сітуацый Рэспублікі Беларусь і экспэрты-выбухатэхнікі Дзяржаўнага камітэта судовых экспэртыз Беларусі, - паведамілі ў аддзеле інфармацыі і сувязі з грамадскасцю. - Следчыя прадаўжаюць працу для правядзення ўсіх патрэбных следчых дзеянняў, у тым ліку з удзелам службовых асоб названай ЦЭЦ для ўстанаўлення ўсіх абставінаў таго, што адбылося».

Фота: media-polesye.by